Рөстәм Миңнеханов Россия оборона министры урынбасары белән хезмәттәшлек турында фикерләште
Очрашу Татарстан Хөкүмәте йортында узды.
Скопировать ссылку
(Казан, 11 декабрь, "Татар-информ"). Бүген Татарстан Президенты Рөстәм Миңнеханов Россия оборона министры урынбасары Тимур Иванов белән хезмәттәшлек буенча актуль мәсьәләләр хакында фикер алышты.
Татарстан Президентының матбугат хезмәте хәбәр итүенчә, очрашу Татарстан Хөкүмәте йортында узган.
Рөстәм Миңнехановның Тимур Иванов белән быел беренче генә очрашуы түгел инде. Алдан Иванов республика лидерына “Оборонстрой” җәмгыяте катнаша торган программалар һәм проектлар турында сөйләгән булган.
