Рөстәм Миңнеханов республикада кече һәм урта эшмәкәрлеккә игътибар артуын әйтте
Президент сүзләренчә, әлеге төр эшмәкәрләргә ярдәм йөзеннән, бер елга 1 млрд сум акча бүленгән.
(Казан, 20 ноябрь, "Татар-информ", Чулпан Шакирова). Татарстан Президенты Рөстәм Миңнеханов республиканың кече һәм урта эшмәкәрләренә игътибар күрсәтелүен әйтте. Бу хакта ул бүген "Пирамида" мәдәни-күңел ачу үзәгендә узучы, ТР Президенты каршындагы Эшмәкәрлек Советының X киңәйтелгән утырышында, катнашучыларны сәламләү - кереш сүзе вакытында сөйләде.
"Кече һәм урта эшмәкәрләргә ярдәм йөзеннән, узган ел бюджеттан 1 млрд сум акча бүленде. Моннан тыш, төрле микрозайм, субсидия, лизинг, грант программалары эшли", - диде Рөстәм Миңнеханов.
- ТР Президенты каршындагы Эшмәкәрлек Советының X киңәйтелгән утырышында республиканың төрле министрлык һәм ведомство вәкилләре, авыл җирлеге башлыклары, 250 эшмәкәр катнаша.
Утырышны "Түбәтәй" беренче татарча тиз туклану челтәрен оештыручы Солтан Сафин алып бара.