Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Путиннан «Стимул» программасын финанслауны арттыруны сорады
«Торак һәм шәһәр мохите» илкүләм проектына керүче федераль программа буенча 2020 елда якынча 215 объект төзү күздә тотыла.
(Казан, 26 май, «Татар-информ»). Россия төбәкләре «Стимул» федераль программасын финанслауны арттыруга мохтаҗ. Татарстан Президенты Рөстәм Миңнеханов дәүләт башлыгы Владимир Путин белән ике яклы эшлекле очрашуда шулай дип белдерде.
«Сафка бастырыла торган торакның бер квадрат метрына сигез мең сум исәбеннән чыгып, «Стимул» федераль программасын финанслауны арттыруыгызны сорар идем. Илебезнең барлык төбәкләре дә шуңа мохтаҗ. Моны мин республика җитәкчесе буларак кына түгел, ә Дәүләт Советының эшче төркеме җитәкчесе буларак та әйтәм», - диде Рөстәм Миңнеханов.
«Стимул» программасы узган елда «Торак һәм шәһәр мохите» илкүләм проектына кертелде. Программа торак төзелешен стимуллаштыруга юнәлдерелгән, ул социаль, коммуналь һәм юл инфраструктурасына кагыла. Быел аның буенча якынча 215 объект төзү күздә тотыла.
Кызыклы яңалыкларны күзәтеп бару өчен Телеграм-каналга язылыгыз