Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Нефтьчеләр көнендә катнашу өчен Әлмәткә бара
Татарстан Президенты Әлмәттә анимация мәктәбен ачарга, инженерлар мәктәбе белән танышырга һәм «Безнең ишегалды» республика программасының барышын бәяләргә ниятли.
(Казан, 3 сентябрь, «Татар-информ», Динара Прокопьева). Шимбә көнне, 5 сентябрьдә, Татарстан Президенты Әлмәткә бара. Шәһәрдә бу ялларда Нефтьчеләр көнен билгеләп үтәчәкләр. ТР Президентының матбугат хезмәте җитәкчесе Лилия Галимова республика Министрлар Кабинетында узган брифингта Рөстәм Миңнехановның планнары белән уртаклашты.
«Шимбә көнне республика Президентының Әлмәткә эш сәфәре планлаштырылган. Анда шимбә һәм якшәмбе көннәрендә Нефть һәм газ сәнәгате хезмәткәрләре көненә багышланган чаралар узачак», — диде Галимова.
Рөстәм Миңнеханов Әлмәттә «Союзмультфильм» студиясе белән уртак проект — анимация мәктәбен ачарга ниятли. Мәктәптә анимациянең 2D- һәм 3D-техникаларына өйрәтү өчен компьютер сыйныфлары, тавыш яздыру студиясе, кино залы, мини-китапханә урнашачак. Әлеге проект тулы система («Союзмультфильм» белгечләре тарафыннан әзерләнгән программа буенча укудан алып эшкә урнашуга кадәр) булдырырга мөмкинлек бирер дип көтелә.
Татарстан Президентына тәкъдим ителәчәк тагын бер белем бирү проекты — инженерлар мәктәбе. Аның үзенчәлеге — техник предметларны тирәнтен үзләштерү, шулай ук югары һәм урта махсус уку йортлары мөгаллимнәрен җәлеп итүдә.
Рөстәм Миңнеханов шулай ук Әлмәттә быел «Безнең ишегалды» республика программасы буенча төзекләндерү күздә тотылган 52 ишегалдының берсендә булачак.
Кызыклы яңалыкларны күзәтеп бару өчен Телеграм-каналга язылыгыз