Рөстәм Миңнеханов Малайзиядә Forest City эко-шәһәрен төзү эшләре белән танышачак
Татарстан Республикасы Президенты эш сәфәре белән Джохор-Бару шәһәренә килде.
Скопировать ссылку
(Казан, 18 сентябрь, «Татар-информ»). Татарстан Президенты Рөстәм Миңнеханов Малайзиядә Forest City эко-шәһәрен төзү эшләре һәм «Искәндәр» икътисади үсеш зонасы белән танышачак. Ул эш сәфәре белән Джохор-Бару шәһәренә килде. Бу хакта ТР Президентының матбугат хезмәте хәбәр итә.
Джохор-Бару каласында ТР Президенты Штатның солтаны Джохор Ибраһим Исмаил белән очрашты. Рөстәм Миңнеханов Instagram социаль челтәрендәге үз сәхифәсендә рәсми очрашуда төшерелгән фото урнаштырган.
- Джохор-Бару – Малайя ярымутравының көньягында урнашкан Джохор солтанатының башкаласы. Бүгенге көндә ул халык саны буенча илнең мәркәзе Куала-Лумпурдан кала икенче урында тора. Хәзерге вакытта шәһәрдә тизләтелгән урбанизация этабы бара, шуның нәтиҗәсендә биредә яңа заманча микрорайоннар үсеп чыга. Forest City инновацион эко-шәһәре һ.б. кайбер проектлар шулар исәбенә керә.
