Рөстәм Миңнеханов Мәскәүдә Татарстан Республикасы дәүләт бүләкләрен тапшырды
Бүләкләү Президентның Мәскәүгә кичәге эш сәфәре кысаларында үтте.
(Казан, 4 апрель, "Татар-информ"). Кичә Татарстан Президенты Рөстәм Миңнеханов Мәскәүгә эш сәфәренә барды. Татарстан Республикасының Мәскәүдәге Тулы вәкаләтле вәкиллегендә ул Татарстан Республикасы дәүләт бүләкләрен тапшырды. Бу хакта республика җитәкчесенең матбугат хезмәте хәбәр итә.
"Россия теннис федерациясе" гомумроссия иҗтимагый оешмасы президенты Шамил Тарпищевка "Татарстан Республикасы алдындагы казанышлары өчен" орденының медале тапшырылды. Тарпищев Татарстан Республикасында теннисны популярлаштыруга керткән өлеше өчен бүләккә лаек булды.
Татарстан Республикасы белән нәтиҗәле хезәмәттәшлек һәм актив иҗтимагый эшчәнлеге өчен "Стройтрансгаз" АҖ директорлар советы әгъзасы, генераль директор киңәшчесе Хәсән Зәбиров "Фидакяр хезмәт өчен" медале белән бүләкләнде.