news_header_top
16+
news_header_bot
news_top

Рөстәм Миңнеханов Мәскәүдә Денис Мантуров белән очрашты

Очрашуда 2018 елда Татарстан белән Россия Сәнәгать һәм сәүдә министрлыгы арасындагы үзара хезмәттәшлек мәсьәләләре хакында фикер алыштылар.

(Казан, 6 февраль, «Татар-информ»). Бүген Татарстан Президенты Рөстәм Миңнеханов Россия сәнәгать һәм сәүдә министры Денис Мантуров белән очрашты. Очрашу Татарстан лидерының Мәскәүгә эш сәфәре кысаларында узды, дип хәбәр итә ТР Президентының матбугат хезмәте.

Очрашуда 2018 елда Татарстан белән Россия Сәнәгать һәм сәүдә министрлыгы арасындагы үзара хезмәттәшлек мәсьәләләре, шулай ук кайбер уртак профиль программаларының үтәлеше хакында фикер алыштылар.

Президентның матбугат хезмәте билгеләп үткәнчә, Мәскәүгә сәфәре вакытында Рөстәм Миңнеханов берничә очрашу үткәрәчәк. 

news_right_1
news_right_2
news_bot