Рөстәм Миңнеханов һәм Рамзан Кадыйров Абу-Дабида «Формула-1» узышы финалында очрашты
Татарстан Президенты кабул итүче як чакыруы буенча ярышларның финал сериясен тамаша кылды.
(Казан, 2 декабрь, «Татар-информ»). Татарстан Президенты Рөстәм Миңнеханов һәм Чечня Республикасы башлыгы Рамзан Кадыйров Абу-Дабида «Формула-1» узышы финалында очрашты. Рөстәм Миңнеханов Twitter социаль челтәрендәге үз сәхифәсендә коллегасы белән төшкән фотосын урнаштырган.
Татарстан Президенты кабул итүче як чакыруы буенча ярышларның финал сериясен тамаша кылды.
«Татар-информ» агентлыгы моңа кадәр хәбәр иткәнчә, Абу-Дабида ТР Президентының берничә очрашуы планлаштырылган иде. Спорт ярышлары сөйләшүләр үткәрү һәм эшлекле элемтәләрне җайга салу урыны да булды, чөнки әлеге мәйданчыкта сәясәтчеләр, икътисадчылар һәм бизнес вәкилләре җыела.
Брат! pic.twitter.com/Ahi4or07Pj
— Рустам Минниханов (@RusMinnikhanov) 1 декабря 2019 г.