Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов һәм Минтимер Шәймиев Әлмәттә яңа балалар бакчасы ачты
Төзелеш эшләрен «Татнефть» компаниясе финанслаган.
(Казан, 5 сентябрь, «Татар-информ»). Татарстан Президенты Рөстәм Миңнеханов һәм ТР Дәүләт Киңәшчесе Минтимер Шәймиев Әлмәттә 140 балага исәпләнгән «Каракүз» дип аталган балалар бакчасы ачты. Тантаналы чарада «Татнефть» ГАҖ генераль директоры Наил Маһанов та катнашты.
ТР Президенты матбугат хезмәте хәбәр итүенчә, төзелеш эшләрен «Татнефть» компаниясе финанслаган.
Рөстәм Миңнеханов нефтьчеләргә шундый әһәмиятле социаль проектка ярдәм итүләре өчен рәхмәт белдерде. «Нефтьчеләр көне алдыннан „Татнефть“ компаниясе шәһәргә шундый матур бүләк ясады. Балалар бакчасы бик яхшы икәнен күрдек. Төзүчеләр барлык эшләрне дә сыйфатлы итеп башкарганнар, бернинди кисәтүләр дә юк. Балалар һәм аларның әти-әниләре канәгать булыр дип уйлыйм», — дип билгеләде ТР Президенты.
Шулай ук Рөстәм Миңнеханов һәм Минтимер Шәймиев «Әлмәт» иҗтимагый үзәге янәшәсендәге «Татнефть» ГАҖ штаб-фатиры янында урнашкан «Каракүз» скверын да карап чыктылар. Биредә татар халкы легендалары буенча танылган Каракүз скульптурасын урнаштырганнар. Фигураның биеклеге җиде метр, авторы — скульптор һәм архитектор Даши Намдаков. Скульптура шәһәр мохитенә туы китерелгән яшел ял зонасында урнаштырылган.
Кызыклы яңалыкларны күзәтеп бару өчен Телеграм-каналга язылыгыз