Рөстәм Миңнеханов һәм Марат Хөснуллин «Урам» яңа экстрим-паркы белән танышты
Мактаулы кунаклар мәйданчыкта чыгыш ясаучы спортчыларның трюкларын карарга тукталды.
(Казан, 30 август, «Татар-информ»). ТР Президенты Рөстәм Миңнеханов һәм РФ вице-премьеры Марат Хөснуллин «Урам» экстрим-паркы белән танышты. Бу хакта республика Президентының матбугат хезмәте хәбәр итә
«ТР Президенты Рөстәм Миңнеханов һәм РФ вице-премьеры Марат Хөснуллин, республика көне уңаеннан оештырылган чарага барышлый, бүген ачылган «Урам» экстрим-паркы белән дә танышып чыгарга булды», - диелә хәбәрдә.
Мактаулы кунаклар мәйданчыкта чыгыш ясаучы спортчыларның трюкларын карарга тукталды. Шунысын да искәртик: биредә брейк-данс һәм стрит-арт буенча Combonation X2 12нче халыкара турниры кысаларындагы ярышларның өченче көне уза.