Рөстәм Миңнеханов һәм Alishech Ltd башлыгы фармпрепаратлар җитештерү хакында сөйләште
Татарстан Президенты Хөкүмәт йортында Исраэль Левин белән очрашты.
Скопировать ссылку
(Казан, 28 гыйнвар, «Татар-информ»). Татарстан Президенты Рөстәм Миңнеханов Alishech Ltd медицина компаниясе башлыгы Исраэль Левин белән очрашты. Бу хакта ТР Президенты матбугат хезмәте хәбәр итә.
Рөстәм Миңнеханов һәм Исраэль Левин фармакология препаратлары җитештерү өлкәсендә уртак проектларны гамәлгә ашыру перспективалары турында фикер алышты.
Очрашуда шулай ук ТР инвестицион үсеш агентлыгы җитәкчесе Талия Миңнуллина, ТР сәламәтлек саклау министры вазифаларын башкаручы Альмир Абашев һәм Татарстанның башка ведомство вәкилләре катнашты.
