Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Кытайның Синьцзян-Уйгур автономияле районы делегациясе белән очрашты
Рәсми чара Татарстан Республикасы Хөкүмәте йортында узды
(Казан, 12 гыйнвар, "Татар-информ"). Бүген Татарстан Республикасы Президенты Рөстәм Миңнеханов Кытай Халык Республикасының Синьцзян-Уйгур автономияле районыны Җитештерү-төзелеш корпусы рәисе урынбасары Кун Синлун җитәкчелегендәге Кытай делегациясе белән очрашты. Рәсми чара Татарстан Республикасы Хөкүмәте йортында узды, дип хәбәр итә ТР Президенты матбугат хезмәте.
Әңгәмә барышында яклар Татарстан территориясендә агросәнәгать комплексы өлкәсендә эре инвестицион проектны гамәлгә ашыру мәсьәләләре буенча фикер алышты. Проект республиканың берьюлы берничә районын үз эченә ала, терлекчелекне һәм игенчелекне үстерүне, шулай ук эшкәртү җитештерүләрен булдыруны күз алдында тота. Кытай ягы сугару системаларына һәм авыл хуҗалыгы техникасын сатып алуга җитди инвестицияләр кертергә җыена.
Рөстәм Миңнеханов ассызыклаганча, Татарстан әлеге проектны үстерергә тели һәм Кытайдан килгән инвесторларга барлык кирәкле инфрастуктураны, шулай ук закон-норматив ярдәме күрсәтергә әзер.
Очрашуда шулай ук Татарстан Республикасы Премьер-министры Илдар Халиков, Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Әхмәтов, Татарстан Республикасы вице-премьеры – Татарстан Республикасы сәнәгать һәм сәүдә министры Альберт Кәримов, Татарстан районнары башлыклары һәм башкалар катнашты.
Кызыклы яңалыкларны күзәтеп бару өчен Телеграм-каналга язылыгыз