news_header_top_970_100
news_header_bot_970_100

Рөстәм Миңнеханов Кытай технопаркында "үз кешеләрен" тапкан

Республика башлыгы Кытайның әйдәп баручы 156 технопаркның берсенең директорын хезмәттәшлек итәргә әзер компанияләр белән Казанга чакырды.

(Казан, 18 ноябрь, «Татар-информ»). Бүген Казанның IТ-паркы белән югары технологияләр өлкәсендә Шэньжэнь шәһәре Индустриаль паркы үзара аңлашу турында килешү имзаладылар, дип хәбәр итә ТР Президенты матбугат хезмәте.

Республика Президенты җитәкчелгендәге Татарстан делегациясе технопарк директоры Чжу Чживэй белән очрашты.

Чжу Чживэй Казанда укыган, аннары Казан дәүләт университетында чакыру буенча укыткан. Ул Кытай IТ-компанияләренең Татарстан белән хезмәттәшлегендә ярдәм итәргә әзерлеген белдерде.

Рөстәм Миңнеханов республикада “бүген IТ-технологияләр кебек мөһим тармакта “үз” кешеләр бик кирәк, дип шаяртты һәм парк директорын хезмәттәшлек итәргә әзер компанияләр белән Татарстан башкаласына чакырды.

news_right_column_1_240_400
news_right_column_2_240_400
news_bot_970_100