Рөстәм Миңнеханов Коры җир гаскәрләре җитәкчесе Олег Салюков белән очрашты
16-21 сентябрьдә илнең Үзәк хәрби округында «Центр-2019» стратегик команда-штаб өйрәнүләре үткәрелә.
(Казан, 18 сентябрь, «Татар-информ»). Бүген Татарстан Президенты Рөстәм Миңнеханов Россия Кораллы көчләренең Коры җир гаскәрләре баш командующие, армия генералы Олег Салюков белән очрашты. Бу турыда Татарстан Президенты матбугат хезмәте хәбәр итә.
16-21 сентябрьдә илнең Үзәк хәрби округында «Центр-2019» стратегик команда-штаб өйрәнүләре үткәрелә. Очрашуда Рөстәм Миңнеханов һәм Олег Салюков әлеге өйрәнүләр кысаларында Татарстан территориясендә кирәкле чараларны оештыру турында фикер алышты.
Очрашуда шулай ук Татарстан Республикасы Президенты Аппараты җитәкчесе Әсгать Сәфәров катнашты.