Рәсми Татарстан 15 февраль 2017 07:09

Рөстәм Миңнеханов Казанда XX агрокүргәзмәдә катнашачак

«Казан ярминкәсе»ндә бүген Татарстан Республикасы Авыл хуҗалыгы һәм азык-төлек министрлыгының йомгак коллегиясе уза.

Скопировать ссылку

(Казан, 15 февраля, «Татар-информ», Арсений Маврин). "Казан ярминкәсе" күргәзмәләр комплексы территориясендә бүген берьюлы ике күргәзмә үз эшен башлый: XX халыкара "Агросәнәгать: Интерагро. Анимед. Идел буе фермеры" махсус күргәзмәсе һәм 17 нче "Волгапродэкспо" Идел буе анросәнәгать форумы күргәзмәсе.

Татарстан Хөкүмәтенең рәсми интернет-порталында хәбәр ителгәнчә, күргәзмәләр ачылышында Татарстан Президенты Рөстәм Миңнехановның да катнашуы көтелә.

Соңрак республика лидеры Татарстан Республикасы Авыл хуҗалыгы һәм азык-төлек министрлыгының йомгак коллегиясе утырышында катнашачак. Биредә идарә тармагының 2016 елгы эшенә йомгак ясала, 2017 елга бурычлар билгеләнә.

#Президент #күргәзмә ачыла

Сәхифәләр

Рөстәм Миңнеханов Казанда XX агрокүргәзмәдә катнашачак