Рөстәм Миңнеханов Казанда Җиңү парадында катнашачак
Коронавирус аркасында, тантаналы чарага нибары 20 ветеран һәм тыл хезмәтчәнен чакырачаклар.
(Казан, 18 июнь, «Татар-информ», Динара Прокопьева). Татарстан Президенты Казанда 24 июньдә Җиңү парадында катнашачак. Бу хакта онлайн-брифингта Татарстан Президентының матбугат хезмәте җитәкчесе Лилия Галимова әйтте.
«Әйе, Рөстәм Миңнеханов катнашачак», — диде дип җавап бирде Лилия Галимова «Татарстан Президенты Җиңү Парадында катнашырмы?» дигән сорауга.
Казанда Җиңү парады 24 июньдә Ирек мәйданында булачак. Анда 20 фронтовик һәм тел хезмәтчәне, йөзләп оештыручы һәм волонтер катнашачак. Шәһәр үзәгеннән 40 берәмлек техника узачак.
Ветераннарның һәм тыл хезмәтчәннәренең куркынычсызлыгы өчен 1,5 метр дистанция саклап махсус урыннар җиһазландырылачак.
Казанда Җиңү парадына тамашачылар чакырылмаячак, ә Татарстанның башка шәһәрләрендә мондый чаралар узмаячак.