Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Казан һәм Татарстан митрополиты Феофанны Раштуа белән котлады
"Раштуа – россиялеләр берләшүендә һәм күпмилләтле җәмгыятьтә дуслык рухын булдыруга тагын бер күркәм сәбәп", - диелә котлауда.
(Казан, 6 гыйнвар, “Татар-информ”). Татарстан Президенты Рөстәм Миңнеханов Рус Православие чиркәве Татарстан митрополиясе башлыгы Казан һәм Татарстан митрополиты Феофанны Раштуа бәйрәме белән котлады, дип хәбәр итә Президентның матбугат хезмәте.
“Чын күңелдән Сезне, Татарстан Республикасы православие руханиларын Раштуа бәйрәме белән котлыйм. Башка фикердәге кешеләргә карата христиан динендәге сабырлык һәм ихтирам, тынычлык өчен һәм халыкның иминлеге өчен хезмәттәшлек итәргә әзер булу традицияләре хәзерге вакытта да безнең күпмилләтле илдә иҗтимагый бердәмлекнең мөһим фактор булып тора”, — диелә котлауда.
"Раштуа – Россиядә елдан-ел киңрәк бәйрәм ителә торган матур, якты бәйрәм. Ул россиялеләр берләшүендә һәм күпмилләтле җәмгыятьтә дуслык рухын булдыруга, халыклар арасында хезмәттәшлек итүгә тагын бер күркәм сәбәп. Сезгә сәламәтлек, күтәренке рух, игелекле эшләр кылу юлында уңышлар телим”, — дип теләкләрен җиткерә Татарстан Президенты.
Кызыклы яңалыкларны күзәтеп бару өчен Телеграм-каналга язылыгыз