Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов Казахстан энергетика министры Нурлан Ногаев белән очрашты
«Татарстанда кичә шулай ук бәйрәм — Республика көне булды. Тугандаш Казахстанга киләчәктә уңышлы үсеш, ә Казахстан халкына — иминлек һәм чәчәк атуын телим», — диде ТР Президенты.
(Казан, 31 август, «Татар-информ»). Бүген Татарстан Республикасы Президенты Рөстәм Миңнеханов Казахстан энергетика министры Нурлан Ногаев белән очрашты. Очрашу Татарстан нефть-газ химиясе форумы кысаларында «Казан Экспо» да узды.
Татарстан Президентының матбугат хезмәте хәбәр иткәнчә, Рөстәм Миңнеханов Нурлан Ногаевны Казахстан Республикасы Конституциясе көне белән котлады, ул 30 августта билгеләп үтелде.
«Татарстанда кичә шулай ук бәйрәм — Республика көне булды. Тугандаш Казахстанга киләчәктә уңышлы үсеш, ә Казахстан халкына — иминлек һәм чәчәк атуын телим», — диде ТР Президенты.
Рөстәм Миңнеханов ассызыклаганча, Казахстан — Татарстанның стратегик чит ил партнеры. Узган ел нәтиҗәләре буенча товар әйләнеше 630 млн. доллардан артып киткән. Уртак проектларны гамәлгә ашыру буенча эш алып барыла.
«Безнең хезмәттәшлек потенциалы бик зур. Алга таба сәүдә-икътисади һәм инвестицион элемтәләрне киңәйтү белән кызыксынабыз. Безнең хезмәттәшлек өчен мөмкинлекләр күп», — дип өстәде ТР Президенты.
Нурлан Ногаев үз чиратында Татарстан халкын Республика көне белән котлады. Министр Татарстан белән, шул исәптән энергетика өлкәсендә дә, хезмәттәшлек дәрәҗәсен югары бәяләде.
Кызыклы яңалыкларны күзәтеп бару өчен Телеграм-каналга язылыгыз