Рөстәм Миңнеханов интернетта блогы булган төбәк башлыклары унбишлегенә керде
“Медиалогия”нең июнь рейтингында Татарстан Президенты Саратов өлкәсе һәм Пермь крае губернаторларын узган.
(Казан, 25 июль, “Татар-информ”). Татарстан Президенты Рөстәм Миңнеханов социаль челтәрләрдә блог алып баручы һәм матбугат чараларында иң еш телгә алына торган 15 төбәк башлыгы исемлегенә кергән. Июньдә республика җитәкчесенең рейтингы 4 позициягә күтәрелгән. Бу хакта “Медиалогия” компаниясе тикшеренүендә әйтелә.
“Рөстәм Миңнеханов Instagram аккаунтында видео урнаштырды. Казанда узган “Яшьләр көне” республика фестивалендә президент үзен диджей буларак сынап карады”, - дип аңлатыла Президент блогының популярлыгы арту.
“Медиалогия”ең май рейтингы белән чагыштырганда Рөстәм Миңнеханов Саратов өлкәсе губернаторы Валерий Радеев һәм Пермь крае башлыгы Олег Кожемяконы узган.
Россия губернатор-блогерларының иң еш телгән алынучылары исемлегендә май аендагы кебек үк, Мәскәү мэры Сергей Собянин һәм Чечня башлыгы Рамзан Кадыйрова алдынгы булды.