Рөстәм Миңнеханов Иннополиста 5G технологиясенең яңа буын челтәре тәҗрибә зонасын ачты
Тәҗрибә зонасын булдырганда Huawei компаниясенең 5G (Massive MIMO) интернетка чыбыксыз тоташа торган җиһазлары кулланылган.
Скопировать ссылку
(Иннополис, 21 май, «Татар-информ», Диана Авакян). Татарстан Президенты Рөстәм Миңнеханов Иннополиста 5G технологиясенең яңа буын челтәре тәҗрибә зонасын ачты.
Тәҗрибә зонасын булдырганда Huawei компаниясенең 5G (Massive MIMO) юнәлеше элементлары булган, интернетка чыбыксыз тоташырга мөмкинлек бирә торган җиһазлар кулланылган. Әлеге технологияне файдалану нәтиҗәсендә мәгълүматлар тапшыру тизлеге секундына 2 гигабайтка җиткән.
- «Ростелеком», «Таттелеком» акционерлык җәмгыятьләре, Huawei компаниясе, Татарстан Мәгълүматлаштыру һәм элемтә министрлыгы арасында узган елның ноябрендә хезмәттәшлек турында килешү төзелгән.
