Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов: Инфраструктураны торак йортларны төзүчеләр белән хәл итәргә кирәк
«Төзелеш компанияләре якын тирәдә поликлиника, балалар бакчасы һәм мәктәп төзүдә дә катнашырга тиеш», — диде Президент.
(Казан, 3 март, «Татар-информ», Зилә Мөбәрәкшина). Татарстан Президенты Рөстәм Миңнеханов шәһәр янында торак йортлар төзегәндә төзелеш компанияләре социаль объектларны булдыруда да катнашырга тиешлеген әйтте.
«Торак йортларны төзегәндә төзелеш компанияләре якын тирәдә поликлиника, балалар бакчасы һәм мәктәп төзүдә дә катнашырга тиеш. Бу мәсьәләне бергәләп хәл итәргә кирәк. Шәһәр җитәкчелеге генә ерып чыга алмаячак. Республика программалары бар. Комплекслы төзелеш шуннан гыйбарәт тә инде», — диде ул мәгълүмати-коммуникацион технологияләр һәм элемтә өлкәсендә эшләүче хатын-кызлар белән очрашуда.
Татарстан Президенты торак төзелеше инфраструктура төзелешенә караганда тизрәк темп белән баруын билгеләп үтте.
«Бу безнең кимчелек, ул финанслау белән бәйле. 1,2 мең укучы сыйдырылышлы мәктәпне төзү өчен элек 1,4 млрд сум акча китсә, хәзер 2 млрд сум тәшкил итә. Бу — зур чыгымнар», — дип аңлатты республика җитәкчесе.
Президент республикада күп балалы гаиләләр өчен дә инфраструктура төзү проблемасы хәл ителмәгәнен әйтте.
«Без бушлай җир тараттык, ә алар янында социаль объектлар төзелмәгән. 5-7 ел элек ясалган исәпләүләр буенча, ул күләмдәге инфраструктурага 40-45 млрд сум кирәк булган, бу гаять зур сан. Федераль ярдәмнән башка бу мәсьәләне җиңел генә хәл итеп булмый», — дип ачыклык кертте Рөстәм Миңнеханов.
Кызыклы яңалыкларны күзәтеп бару өчен Телеграм-каналга язылыгыз