Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов - Индонезия Республикасында
Рәсми сәфәр кысаларында ТР Президентының Индонезия министрлары, Джакартта укучы Татарстан студентлары белән очрашулары каралган
(Казан, 2 май, “Татар-информ”). Бүген ТР Президенты Рөстәм Миңнеханов эш сәфәре белән Индонезия Республикасына килеп җитте. Джакарт аэропортында аны Россиянең Индонезиядәге Гадәттән тыш һәм Вәкаләтле илчесе Михаил Галузин каршы алды. Татарстан делегациясе составына исә ТР Президентының халыкара мәсьәләләр буенча ярдәмчесе Радик Гыйматдинов, республиканың инвестицион үсеш агентлыгы җитәкчесе Линар Якупов, Татарстан Сәүдә-сәнәгать палатасы рәисе Шамил Агеев, “Ак Барс” холдинг компаниясе” ААҖ генераль директоры Иван Егоров, Горький исемендәге заводның генераль директоры Ренат Мистахов һәм Татарстан бизнесының башка вәкилләре кергән.
Рәсми сәфәр кысаларында ТР Президентының Индонезия министрлары, Джакартта укучы Татарстан студентлары белән очрашулар уздыруы планлаштырылган. Рөстәм Миңнеханов җитәкчелегендәге Татарстан делегациясе, шулай ук, Индонезиянең Сәүдә-сәнәгать палатасында Индонезия һәм Татарстан эшлекле даирәләре катнашында үткәреләчәк тәгәрәк өстәл утырышында катнаша, дип хәбәр итә ТР Президентының матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз