Сәясәт 21 декабрь 2017 17:01

Рөстәм Миңнеханов иң абруйлы төбәк сәясәтчеләре өчлегенә кергән

Татарстан Президенты рейтингы, 2017 елның июль ае белән чагыштырганда, 2,5 тапкырга күтәрелгән.

Скопировать ссылку

(Казан, 21 декабрь, "Татар-информ"). Татарстан Президенты Рөстәм Миңнеханов социаль челтәрдә төбәк дәрәҗәсендәге дәүләт эшлеклеләре рейтингында өченче урынны яулаган. Статистиканы Россия блогерларының тикшерү агентлыгы төзегән.

Татарстан Президенты рейтингы 2017 елның июль ае белән чагыштырганда 2,5 тапкырга үскән. Ел ахырына Миңнехановның социаль активлык коэффициенты 26,5 мең пунктына кадәр үскән. 2017 елның июль башында ул 11 мең булган.

Соңгы ярты елда топ-5 лек составы үзгәрмәгән диярлек. Лидер булып янәдән Чечен республикасы башлыгы Рамзан Кадыров (рейтинг пунктында194,5 мең). Икенче баскычта — Екатеринбург башлыгы Евгений Ройзман.

Соңгы алты айда Ингушетия башлыгы Юнус-бәк Евкуров һәм Мәскәү мэры Сергей Собянин урыннары белән алышкан. Башкала башлыгы рейтингта дүртенче, ә Евкуров бишенче баскычта.

Рейтинг “ВКонтакте”, Facebook, Instagram, YouTube, LiveJournal һәм Twitter социаль челтәрләрендәге язылучыларының активлыгы белән билгеләнгән.

#Рөстәм Миңнеханов

Сәхифәләр

Рөстәм Миңнеханов иң абруйлы төбәк сәясәтчеләре өчлегенә кергән