Рөстәм Миңнеханов губернаторлар медиарейтингы бишлегенә кергән
Татарстан Президенты рейтингта 4 нче урынны били.
Скопировать ссылку
(Казан, 29 декабрь, «Татар-информ»). «Медиалогия» компаниясенең декабрь нәтиҗәләре буенча Татарстан Президенты Рөстәм Миңнеханов губернаторлар медиарейтингы "топ-5леге"нә кергән.
ТР Президенты рейтингта 4 нче урынны били. Беренче урында – Мәскәү мэры Сергей Собянин. Икенче урынны Мәскәү өлкәсе губернаторы Андрей Воробьев, өченче урынны Чечня Республикасы башлыгы Рамзан Кадыров биләгән. Бишенче урында – Кырым Республикасы башлыгы Сергей Аксенов.