Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов Гейдар Алиев исемендәге Фондның Мактаулы кунаклар китабында үз язмасын калдырды
ТР Президенты Бакуда Гейдар Алиев исемендәге Фондта булды
(Казан, 2 март, «Татар-информ»). Бүген Татарстан Республикасы Президенты Рөстәм Миңнеханов Бакуда Гейдар Алиев исемендәге Фондта булды. Искәртеп узабыз, Татарстан Республикасы башлыгы Әзербайҗан башкаласы Бакуга эш сәфәре белән килде.
Рөстәм Миңнеханов һәм аны озатып йөрүче затлар Гейдар Алиев музеенда булды. Музейда аның шәхси архивындагы документлар, фотосурәтләр тупланган.
Кунакларга Гейдар Алиевның якты истәлегенә хөрмәт йөзеннән булдырылган Фондның максаты һәм эшчәнлеге хакында сөйләделәр. Фондның төрле социаль-икътисади, мәдәни проектларны гамәлгә ашырып, Г.Алиевның бай мирасын өйрәнүе һәм пропагандалавы, Әзербайҗан үсешенә ярдәм итүе, илнең мәдәниятен һәм тарихын пропагандалавы билгеләп үтелде.
Рөстәм Миңнеханов Фондның Мактаулы кунаклар китабында үз язмасын калдырды. “Әзербайҗанның иң яңа тарихы атаклы сәясәтче һәм тәҗрибәле дәүләт эшлеклесе, милли лидер Гейдар Алиев исеме белән аерылгысыз төстә бәйләнгән, - дип язды ТР Президенты. – Гейдар Алиев Фонды ярдәмендә аның идеяләрен гамәлгә ашыру дәвам итә. Татарстанлылар хәтерендә Гейдар Алиев тарихи дуслык традицияләрен үстерү һәм безнең тугандаш халыклар арасында үзара аңлашу булдыруга ярдәм иткән Татарстанның олы дусты буларак саклана. Гейдар Алиев исемендәге Фондны оештыруга катнашы булган барлык кешеләргә сәламәтлек һәм уңышлар телим”.
Татарстан Президенты Рөстәм Миңнеханов Гейдар Алиев музеена “Тартарика” китабының бүләк басмасын тапшырды.
Бүген иртән Татарстан Президенты һәм аны озатып йөрүче затлар Гейдар Алиев һәйкәленә һәм аның хатынының каберенә чәчәкләр салды.
Рөстәм Миңнеханов шулай ук Яуда ятып калган сугышчылар аллеясында булып, Әзербайҗан батырлары һәйкәленә чәчәкләр куйды, дип хәбәр итә ТР Президентының матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз