Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов фермаларны буш тотмаска өндәде
«Каядыр ферма төзергә йөрибез, ә каядыр алар буш», — диде Президент.
(Казан, 12 февраль, «Татар-информ», Гөлнар Гарифуллина). Фермаларның тулы булуына ирешү кирәк. Татарстан Президенты Рөстәм Миңнеханов ТР Авыл хуҗалыгы һәм азык-төлек министрлыгы коллегиясе утырышында шундый бурыч куйды.
«Республикада 20 мең терлек урыны буш тора. Игътибар белән карарга кирәк. Каядыр ферма төзергә йөрибез, ә каядыр алар буш», — диде Рөстәм Миңнеханов.
Президент республикада фермалар төзү, төзекләндерү программалары гамәлдә булуын искәртте.
Миңнеханов шәхси хуҗалыклар зур потенциал булуын билгеләп узды. «Бу гражданнарның кереме дигән сүз, авыл хуҗалыгы продукциясенең 50 проценты шәхси хуҗалыкларда җитештерелә», — диде.
Ел саен сыер тораклары, фермалар төзү-төзекләндерүгә, кошчылык фермаларына, силос-сенаж траншеялары төзелешенә 2 млрд сумга якын акча бирелә.
Кызыклы яңалыкларны күзәтеп бару өчен Телеграм-каналга язылыгыз