Рөстәм Миңнеханов «эссе җәй өчен җаваплы зат» билгеләргә кирәк дип шаяртты
Республика узган ял көннәреннән салкын атмосфера фронты йогынтысында һәм яңгыр, яшен һәм көчле җил алып килде.
(Казан, 10 июль, «Татар-информ»). Татарстан Президенты Рөстәм Миңнеханов бүген шаяртып республикада «эссе җәй өчен җаваплыны» билгеләргә тәкъдим итте. Бу хакта ул Instagram социаль челтәрендә үз битендә язган.
«Ничек сезгә хәзерге җәй? Һава торышы ничек? Эссе җәй өчен җаваплы зат билгеләргә кирәк!» - дип язган Рөстәм Миңнеханов һәм Шәүкәт Галиевның «Тәмле җәй» шигыре мотивлары буенча видеоролик куйган
Бу шигырьдә түбәндәге юллар бар: «Аланнарда – җиләк исе, Басуларда – иген исе ... Тагын аллы-гөлле чәчәк, Кайнар кояш өстисе –. Шушы булыр җәй төсе!»
Татарстан узган ял көннәреннән салкын атмосфера фронты йогынтысында һәм яңгыр, яшен һәм секундына 15-19 метр тизлектә көчле җил алып килде. Һаваның максималь температурасы 17-23 градус тәшкил итә, ә тәүлеклек температура уртача еллык күрсәткечләрдән 4 градуска түбән.
Татарстан Гидрометеорология үзәге мәгълүматлары буенча, бүген һәм иртәгә республикада кыска вакытлы яшенле яңгыр көтелә. Төнлә һава температурасы 10-17 градуска кадәр, көндез температура +20... + 25 градус тәшкил итәчәк. Алдан фаразлаулар буенча, 12 һәм 13 июльдә шулай ук яшенле яңгыр, һава температурасы уртача җылы булачак.