Рөстәм Миңнеханов эш сәфәре белән Казахстанга килде
Россия делегациясен Нур-Солтан халыкара аэропортында Казахстан Премьер-министры Әскәр Мамин каршы алган.
Скопировать ссылку
(Казан, 18 август, «Татар-информ»). Татарстан Президенты Рөстәм Миңнеханов Казахстанга килде.
Ул РФ Премьер-министры Михаил Мишустин җитәкчелегендәге Россия делегациясе белән эшлекле сәфәр кыла, дип хәбәр итә ТР Президенты матбугат хезмәте җитәкчесе Лилия Галимова.
Аларны Нур-Солтан халыкара аэропортында Казахстан Премьер-министры Әскәр Мамин каршы алды.
Россия делегациясе халыкара финанс үзәгенә бара һәм Казахстан коллегалары белән сөйләшүләрдә катнашачак дип планлаштырыла.