Рөстәм Миңнеханов эш сәфәре белән Ижевскига килде
Татарстан Президенты Ижевскида Россия Президентының Идел буе федераль округындагы вәкаләтле вәкиле каршындагы Совет утырышында катнаша.
(Казан, 12 март, «Татар-информ»). Бүген Татарстан Президенты Рөстәм Миңнеханов эш сәфәре белән Ижевскига килде. Бу хакта ТР Президентының матбугат хезмәте хәбәр итә.
Рөстәм Миңнеханов Удмуртия Республикасы башкаласында «Идел буе федераль округы төбәкләрендә талантлы яшьләрне ачыклау, аларга ярдәм күрсәтү, сәләтләрен һәм талантларын үстерү, яшь кадрлар әзерләүгә юнәлдерелгән чараларны гамәлгә ашыру» темасына багышланган Россия Президентының Идел буе федераль округындагы вәкаләтле вәкиле каршындагы Совет утырышында катнаша.
Көннең икенче яртысында РФ Куркынычсызлык советы сәркатибе һәм Россия Президентының Идел буе федераль округындагы вәкаләтле вәкиленең уртак күчмә утырышы узачак. Аның эшендә Татарстан Президенты да катнашыр дип көтелә.