Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов экологик штрафлар түләттерелгән акча район казнасына күчүен хуплады
ТР Бюджет кодексының 41 статьясына үзгәреш кертелде.
(Казан, 16 июль, «Татар-информ», Гөлнар Гарифуллина). Бүген Дәүләт Советының унберенче утырышында «Татарстан Республикасы Бюджет кодексының 41 статьясына үзгәреш кертү турында» ТР закон проекты каралды. Татарстан Президенты Рөстәм Миңнеханов экологик штрафларны түләттерелгән акча район казнасына күчүен хуплады.
Бу мәсьәлә буенча экология һәм табигать ресурслары министрының беренче урынбасары Фаяз Шакиров чыгыш ясады. Ул әйләнә-тирә мохитне саклау өлкәсендә административ хокук бозулар өчен штрафлардан салым булмаган керемнәрне Татарстан бюджетына түгел, ә 100 процент күләмдә муниципалитетлар казнасына күчерү тәкъдим ителгәнен әйтте.
Рөстәм Миңнеханов моңа карата үз фикерен әйтте. «Бу дөрес. Муниципалитетларда экологик программалар булырга тиеш. Акча экологик проблемаларга тотылырга тиеш. Казначылык системасы күпме акча кергәнен һәм нинди программаларга барганын күзәтергә, экология министрлыгы программаны килештеререгә тиеш. Акча җирле бюджет эчендә генә эреп югалмасын өчен, без бюджетта махсус шушы чыганакны билгеләдек», — диде.
Президент закон бозучылар белән игътибарлырак эшләргә өндәде. «Бу акчалар муниципалитетка кайта бит. Муниципалитет теге яки бу мәсьәләләрне чишә алачак. Активлык кирәк. Системалы эш булырга тиеш», — диде.
Кызыклы яңалыкларны күзәтеп бару өчен Телеграм-каналга язылыгыз