news_header_top
16+
news_header_bot
news_top

Рөстәм Миңнеханов Дублинда очрашулар уздырды

Бүген биредә Россия-Ирландия форумы үтә

(Казан, 4 март, “Татар-информ”). Инде хәбәр ителгәнчә, ТР Премьер-министры Рөстәм Миңнеханов бу көннәрдә Россия рәсми делегациясе составында Дублинда Эшлекле хезмәттәшлекне үстерү буенча Россия-Ирландия Хөкүмәтара комитетының 7 нче утырышында катнаша. ТР Министрлар Кабинетының Матбугат хезмәте хәбәрләренә караганда, кичә утырыш соңында Татарстан Хөкүмәте җитәкчесе “Queen”, “Sepam” компанияләре җитәкчелеге белән очрашкан. Анда ике арада икътисади хезмәттәшлек мәсьәләләре күтәрелгән. Ирландиянең “Queen” компаниясе Россиянең эре инвестиция партнерларыннан берсе санала. “Sepam”га килгәндә, ул Россия базарында автоматлаштыру (автоматлаштырылган контроль-үлчәү системалары, технологик эшләнмәләр) өлкәсендә алдынгы технологияләре белән мәгълүм.
Бүген Дублинда Россия-Ирландия форумы уза. Анда чыгыш ясаучылар арасында ТР Премьер-министры Рөстәм Миңнеханов та бар. “Россия төбәкләре. Бизнес өчен мөмкинлекләр” семинары кысаларында Татарстанның икътисади мөмкинлекләре тәкъдим ителәчәк.

news_right_1
news_right_2
news_bot