Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Чаллыда яңа трамвай линиясен ачты
Яңа линияне файдалануга тапшырганнан соң, пассажирлар агымы елына 30 миллион кешегә кадәр җитәчәк
(Чаллы, 12 декабрь, «Татар-информ», Евгений Сироткин). Бүген Чаллы каласында Татарстан Респубикасы Президенты Рөстәм Миңнеханов катнашында яңа трамвай линиясе ачылды.
Яңа трамвай линиясе республика акчасына төзелгән: ул 530 миллион сумга төшкән. Генераль подрядчы - "Төзелеш инжиниринг һәм аудит дирекциясе" МУП.
"Салым инспекциясе" тукталышы янында, яңа трамвай тармагы ачылу уңаеннан, митинг узды. Анда Татарстан Президенты Рөстәм Миңнеханов, ТР Премьер-министры урынбасары - сәнәгать һәм сәүдә министры Равил Зарипов, шәһәр Башкарма комитеты җитәкчесе Наил Мәһдиев, "КАМАЗ" ААҖ генераль директоры Сергей Когогин,тармак ветераннары, шәһәр предприятиеләре һәм оешмалары җитәкчеләре, Чаллы халкы катнашты.
Чара барышында, яңа трамвай линияләре төзелешенә керткән өлешләре өчен, «Электротранспорт» ҖЧҖ электр хуҗалыгының контакт-кабель челтәрләре хезмәте участогының контакт челтәрен төзәтү һәм хезмәт күрсәтү электр монтеры Альберт Әмиров, «Транссервис-ЛТД» ҖЧҖтән эшләр башкаручы Сергей Глущенко, «Татэлектромонтаж» ААҖнең Чаллы монтаж идарәсеннән эшләр башкаручы Владимир Филиппов ТР Президентының Рәхмәтенә лаек булып бүләкләнде.
Котлаулардан соң, кунаклар яңа линия буенча трамвайда "16нчы комплекс" тукталышына кадәр бардылар. Нәкъ менә шунда тармак шәһәрнең иске өлешенә алып чыга. Рөстәм Миңнехановка вакыты чикләнмәгән йөрү билеты тапшырылды. Президент юлны вагон машинисты кабинасында узды.
Рәис Беляев проспектыннан Сөембикә проспекты буенча Чаллы проспекты - "Пединститут" тукталышына кадәр трамвай линиясенең яңа тармагы шәһәрнең яңа һәм иске өлешләрен тоташтыра.
"Электр транспорты" ААҖ исәпләпләүләре буенча, яңа линияне файдалануга тапшырганнан соң, пассажирлар тагымы елына 30 миллион кешегә кадәр җитәчәк.
Кызыклы яңалыкларны күзәтеп бару өчен Телеграм-каналга язылыгыз