Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Чаллыда коммуналь хезмәтләргә яңа махсус техника ачкычларын бирде
Кар төягечләр, экскаваторлар һәм урамнарны җыештыру җайланмалары булган тракторлар Чаллы урамнарына чыгачак.
![Рөстәм Миңнеханов Чаллыда коммуналь хезмәтләргә яңа махсус техника ачкычларын бирде](https://tatar-inform.tatar/resize/shd/images/uploads/news/2019/12/23/1583b38e67eb2e65cd1eb5119db67445e6ee861ae02267bdeed8846c596d.jpg)
(Казан, 23 декабрь, «Татар-информ»). Бүген Татарстан Республикасы Президенты Рөстәм Миңнеханов Чаллыда эш сәфәрендә. Анда Рөстәм Миңнеханов коммуналь хезмәтләргә яңа махсус техника ачкычларын тапшырды. Чарада Чаллы шәһәре мэры Наил Мәһдиев тә катнашты. Бу турыда Татарстан Президенты матбугат хезмәте хәбәр итте.
Бу хезмәтләргә барлыгы 9 машина тапшырылды: кар төягечләр, экскаваторлар һәм урамнарны җыештыру җайланмалары булган тракторлар. Киләсе елда шәһәргә тагын 15 берәмлек коммуналь техника биреләчәк.
![](/resize/750/images/uploads/news/2019/12/23/61a38175cb579e4cef006fe86a37a4b9004d76f9c15435bcfc233f8a407e.jpg)
Рөстәм Миңнеханов билгеләп үткәнчә, Татарстанда коммуналь предприятиеләрнең матди-техник базазаларын ныгыту буенча зур эш алып барыла. «Заманча техника булу — коммуналь хуҗалык эшенең мөһим элементы. Юлларның һәм тротуарларның торышы һәм, асылда, кешеләрнең кәефе урамнар чисталыгына бәйле. Шуңа күрә сезнең эшегез бик мөһим», — диде ул.
Өч ел эчендә Чаллыга 46 яңа коммуналь техника тапшырылган. «Без шәһәр хуҗалыгында тәртип барлыгын күрәбез. Ышанам, бүген бирелгән махсус техника да зур ярдәм булачак сезгә», — диде Рөстәм Миңнеханов.
![](/resize/750/images/uploads/news/2019/12/23/2ac06c83237d68476ff243b07a23204c92f6f71a68458e1fcbd3063ad169.jpg)
Наил Мәһдиев исә республика җитәкчелегенә шәһәргә күрсәткән ярдәмнәре өчен рәхмәт белдерде.
Яңа транспорт сатып алу белән бергә республикада гамәлдәге коммуналь техника автопаркы да торгызыла. Чаллыда 2019 — 2020 елларда 65 «КАМАЗ» автомобиленә капремонт планлаштырылган, 35 берәмлек ремонтланган инде.
Кызыклы яңалыкларны күзәтеп бару өчен Телеграм-каналга язылыгыз