Рөстәм Миңнеханов "Бетар" оешмасы продукциясе белән танышты
Бу оешма фатирлар һәм сәнәгать предприятеләре өчен су счетчикларының төрле модификацияләрен ясый.
(Казан, 8 август, "Татар-информ"). Бүген Чистайда Татарстан Республикасы Президенты Рөстәм Миңнеханов "Бетар" җитештерү-коммерциячел фирмасында булды. Бу турыда Татарстан Президенты матбугат хезмәте хәбәр итте.
- "Бетар" ПКФ ҖЧҖ предприятиесе 1996 елда төзелгән. Бүген "БЕТАР" якынча 40 атамада продукция чыгара. Төп продукциясе - фатирлар һәм сәнәгать предприятеләре өчен су счетчикларының төрле модификацияләре.
Рөстәм Миңнехановка предприятие тарихы турында сөйләделәр, аны чыгарылучы продукция белән таныштырдылар.
"Бетар" ҖФК вәкилләре кыскача гына фирманың техник-икътисадикүрсәткечләре турында мәгълүмат бирделәр. Моннан тыш, әзер продукция күргәзмәсе оештырылган иде.
Кунаклар өчен җитештерү мәйданнары буенча экскурсия оештырдылар.
Компания даими үсештә һәм яңа юнәлешләрне үзләштерә, шулардан – станоклар төзелеше һәм робототехника, диелгән әлеге хәбәрдә.
