Рөстәм Миңнеханов: Балыкка чыгу - улым белән бергә булу өчен бер сәбәп ул
Татарстан Президенты үзен оста балыкчы дип санамый.
Скопировать ссылку
(Казан, 7 март, "Татар-информ", Гөлнар Гарифуллина). Татарстан Президенты Рөстәм Миңнеханов балыкка баруны улы белән бергә чыгу өчен бер сәбәп дип атады. Бу хакта ул 8 Март - Халыкара хатын-кызлар бәйрәме алдыннан журналистлар белән узган очрашуда әйтте.
"Балык тотуга караганда аны ашарга күбрәк яратам. Малай белэн чыгу өчен бер сәбәптер инде ул. Күңелле бит. Беркөнне кояшлы матур көн иде. Балык күп булмаса да, бераз тоттык. Үземне балыкчы дип мактый алмыйм. Аңа вакыт күп кирәк. Кузьмин ("Татмедиа" акционерлык җәмгыяте генераль директоры Андрей Кузьмин - ТИ) бар безнең бер балыкчы, аннан сорарга кирәк", - диде.