Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рөстәм Миңнеханов Бәһрәйнда Стивен Сигал белән очрашты
Татарстан Президенты танылган Америка актеры белән төшкән фотосын Instagram’дагы битендә урнаштырган.
(Казан, 8 апрель, “Татар-информ”, Арсений Маврин). Эшлекле сәфәр белән Бәһрәйн Корольлегендә булган Татарстан Президенты Рөстәм Миңнеханов танылган Америка актеры Стивен Сигал белән очрашты.
“Россия Федерациясе гражданины Стивен Сигал белән”, – дип язган Татарстан лидеры Instagram’дагы битендә урнаштырган рәсем астына. Һәм бу чынлап та шулай: гражданлык бирелү турындагы указ Россия Президенты тарафыннан 2016 елның 3 ноябрендә имзаланган, ә паспортны Владимир Путин кулыннан актер шул ук айның 25ендә алган.
Рөстәм Миңнеханов һәм Стивен Сигалны элеккеге танышлар дисәк тә була. 2016 елның көзендә алар Кыргызстанда Бөтендөнья күчмә халык уеннарында очрашкан иде. Шул ук елны декабрь аенда актер Казанга килде. Ул вакытта Татарстан Президенты социаль челтәрләрдәге язылучыларының берсе соравына Сигалның республикабыз башкаласына күчеп килергә җыенуын җавап итеп язган иде.
Рөстәм Миңнеханов һәм Стивен Сигал кичә дусларча әңгәмә корып, кичке ашта булды. Бик тиздән Голливуд йолдызының туган көне – артист 1952 елның 10 апрелендә туган.
Кызыклы яңалыкларны күзәтеп бару өчен Телеграм-каналга язылыгыз