Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Атилла Шүкрү Зәйбәкче җитәкчелегендә Төрек эшмәкәрләре белән очрашты
Очрашу Татарстан Хөкүмәте йортында Татарстан Президенты эш бүлмәсендә үтте.
(Казан, 29 март, “Татар-информ). Татарстан Президенты Рөстәм Миңнеханов Turkuaz Textile компаниясе генераль директоры Атилла Шүкрү Зәйбәкче җитәкчелегендә Төрек эшмәкәрлеге вәкилләре делегациясе белән очрашуда алга таба нәтиҗәле хезмәттәшлек мәсьәләләре буенча фикер алышты. Татарстан Хөкүмәтенең рәсми сайтында хәбәр ителгәнчә, очрашу Татарстан Хөкүмәте йортында Татарстан Президенты эш бүлмәсендә үтте.
Очрашуда шулай ук Татарстан Президенты ярдәмчесе Радик Гыйматдинов, Татарстан сәнәгать һәм сәүдә министры урынбасары Денис Вәлиев, Татарстан инвестиция үсеше агентлыгы җитәкчесе Талия Миңнуллина, Татарстанның Төркиядәге вәкаләтле вәкиле Айрат Гатауллин катнашты.
Яклар төрек партнерларына кагылышлы хезмәттәшлек һәм башка темаларга тукталды.
Искәртеп үтик, Төркия Татарстанның сәүдә-икътисади өлкәсендә хезмәттәшлек буенча әйдәп баручы партнерларының берсе. Татарстанда төрек предприятиеләре уңышлы эшли. Энергетика, машина төзелеше, сәламәтлек саклау, авыл хуҗалыгы өлкәләрендә уртак проектлар эшләнелә.
Кызыклы яңалыкларны күзәтеп бару өчен Телеграм-каналга язылыгыз