Рөстәм Миңнеханов Аксубайга «Уяв» бәйрәменә чуваш милли киемендә килде
Бәйрәм нигезендә - чуваш халкы һәм традицияләренең берләшүе, әйлән-бәйлән ясау, табигатькә яңгыр, мул уңыш сорап мөрәҗәгать итү.
(Аксубай, 10 июль, «Татар-информ» Гөлнар Гарифуллина). Татарстан Президенты Рөстәм Миңнеханов Аксубайга «Уяв» республика чуваш мәдәнияте бәйрәменә чуваш милли киемендә килде.
Бәйрәм нигезендә - чуваш халкы һәм традицияләренең берләшүе, әйлән-бәйлән ясау, табигатькә яңгыр, мул уңыш сорап мөрәҗәгать итү.
Бәйрәм «Уяв дусларын чакыра» музыкаль-хореографик композициясе белән ачылачак. Татарстан һәм Россия төбәкләренең профессиональ һәм үзешчән ансамбльләре, халык иҗаты коллективлары катнаша. Чабаксардан Чуваш дәүләт җыр һәм бию ансамбле килгән.
Чуваш мәдәнияте шулай ук Халык кәсепчелегендә, декоратив сәнгать эшәнмәләрендә чагылыш тапкан. Этнографик мәйданчыкта чуваш гаиләсе көнкүреше, гореф-гадәтләре күрсәтелә, күәс, бал эчемлекләре, уха пешерелә.
Президент умартачы, балыкчы, аучы, пешекчеләргә дан җырлау өчен махсус йортларны карап чыкты.