Мәдәният 16 ноябрь 2005 12:24

Рәссам Ильяс Фәйзуллин тарих турында сөйләшергә чакыра

Скопировать ссылку

(Казан, 16 ноябрь, “Татар-информ”, Рәсилә Кәримова). Иртәгә Татарстан Республикасы Милли музееның күргәзмәләр залында Татарстан һәм Россия Рәссамнар берлеге әгъзасы Ильяс Фәйзуллин белән очрашу була. Очрашу кысаларында “Рәссам күзлегеннән караганда тарих” дип исемләнгән “түгәрәк өстәл” дә планлаштырыла. Анда танылган рәссамнар һәм тарихчылар, шулай ук сәнгать белгечләре катнашачак.

Октябрь аенда Милли музейда И.Фәйзуллинның Казанның 1000 еллыгына һәм үзенең 55 яшьлек юбилеена багышланган шәхси күргәзмәсе ачылган иде. Анда рәссамның үткән тарихыбызны чагылдырган күп кенә картиналары урын алган. Алар арасында И.Фәйзуллинның соңгы ике елда иҗат иткән “Апофеоз” һәм “Екатерина IIнең Казанга килүе” дип исемләнгән саллы эшләре дә куелган.

Сәхифәләр

Рәссам Ильяс Фәйзуллин тарих турында сөйләшергә чакыра