Җәмгыять 22 гыйнвар 2010 16:25

Р.Миңнеханов ТР Экология һәм табигать ресурслары министрлыгы эшчәнлеген яхшы дип бәяләде

Хөкүмәт башлыгы, Министр урынбасары И.Майдановка мөрәҗәгать итеп, Р.Миңнеханов 2013 елда Казанда булачак Универсиадага әзерлек буенча федераль үзәктән, Россия Табигать ресурслары министрлыгыннан ярдәмгә өмет баглыйбыз, диде

Скопировать ссылку

(Казан, 22 гыйнвар, “Татар-информ”, Миләүшә Низаметдинова). Бүген ТР Министрлар Кабинетында узган коллегиядә ТР Премьер-министры Рөстәм Миңнеханов уртак хезмәттәшлекне хуплап, ТР Экология һәм табигать ресурслары министрлыгына муниципаль берәмлекләр белән эшне тагын да көчәйтергә, кирәк чакта киңәш биреп, кулга-кул тотынып эшләргә чакырды. Аның сүзләренчә, норматив базада үзгәрешләр булса, экологик тормыш сизелерлек үзгәрәчәк. Алга таба су чистарту корылмаларын тиешле тәртипкә китерү таләп ителә, чүп эшкәртү исә бизнеска әйләнергә тиеш. Ләкин һаман да сәнәгать калдыклары күз уңыннан читтә кала килә, дөрес, каты көнкүреш калдыклары белән мәсьәлә шактый ук чишелде, дип белдерде Хөкүмәт башлыгы. Министр урынбасары И.Майдановка мөрәҗәгать итеп, Р.Миңнеханов 2013 елда Казанда булачак Универсиадага әзерлек буенча федераль үзәктән, Россия Табигать ресурслары министрлыгыннан ярдәмгә өмет баглыйбыз, диде.

Җыеп кына әйткәндә, ТР Премьер-министры Татарстан Экология һәм табигать ресурслары министрлыгының эшчәнлеген яхшы дип бәяләде.

Сәхифәләр

Р.Миңнеханов ТР Экология һәм табигать ресурслары министрлыгы эшчәнлеген яхшы дип бәяләде