Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Р.Миңнеханов Кытайның Sinotruk заводы белән хезмәттәшлек турында фикер алышты
Республика Президенты Sinotruk автоконцернында авыр һәм уртача авырлыктагы йөк машиналары җитештерү белән танышты.
(Казан, 27 сентябрь, «Татар-информ»). Татарстан Президенты Рөстәм Миңнеханов Кытайның Цзинань шәһәренә эш сәфәре кысаларында Кытайның Sinotruk автоконцерны җитәкчелеге белән очрашты һәм хезмәттәшлекнең мөмкин булган вариантлары (шул исәптән, газ-моторлы техниканы үстерү өлкәсендә) турында фикер алышты. Бу хактагы мәгълүмат Президент сайтында урнаштырылган.
«Без ачык һәм хезмәттәшлеккә әзер. Татарстан белән Кытайның Weichai Power мотор төзү корпорациясе арасында хезмәттәшлек тәҗрибәсе бар инде. Якын көннәрдә сезне Татарстанда сәламләвебезгә шат булачакбыз», - диде Миңнеханов.
Президент шулай ук Кытайның Sinotruk автоконцернында авыр һәм уртача авырлыктагы йөк машиналары җитештерү белән танышты. Корпорация йөк машиналарының төрле төрләре, махсус автомобильләр, автобуслар, двигательләр, агрегатлар (һ.б.) проектлау, җитештерү һәм сату белән шөгыльләнә. Автоконцернда эшләп чыгарылган машиналар төзелештә, йөк ташуда һ.б. өлкәләрдә файдаланыла.
Моннан тыш, Рөстәм Миңнеханов заводның күргәзмә комплексында да булды. Ул биредә төрле техника үрнәкләре һәм автомобиль компаниясенең тарихы белән танышты.
Кызыклы яңалыкларны күзәтеп бару өчен Телеграм-каналга язылыгыз