Р.Миңнеханов Казанның «Соловьиная роща» микрорайонында мәктәп төзи башларга йөкләмә бирде
Яңа белем бирү учреждениесе 1224 урынга исәпләнгән.
(Казан, 6 апрель, «Татар-информ»). Татарстан Президенты Рөстәм Миңнеханов Казанның «Соловьиная роща» микрорайонында проектын әзерләп, мәктәп төзи башларга йөкләмә бирде. Республика башлыгының матбугат хезмәте җитәкчесе Эдуард Хәйруллин Twitter социаль челтәрендәге микроблогында шул хакта хәбәр итте.
Яңа белем бирү учреждениесе 1224 урынга исәпләнгән.
Эдуард Хәйруллин ачыклык керткәнчә, мәктәпне киләсе елда төзеп бетереп, сентябрьдә ачу күздә тотыла.
«Соловьиная роща» торак комплексында яңа мәктәпнең сафка басуы укучылар өчен урыннар санын арттырырга һәм белем алу өчен уңайлы шартлар тудырырга мөмкинлек бирәчәк.
Президент РТ @RusMinnikhanov дал поручение начать проектирование и строительство школы на 1224 места в микрорайоне "Соловьиная роща" г.Казани.
— Эдуард Хайруллин (@Edkhayrullin) 6 апреля 2018 г.