news_header_top_970_100
news_header_bot_970_100

Р.Абдуллин экология һәм табигый ресурслар министрының беренче урынбасары итеп билгеләнде

Моңарчы ул ТР Дәүләт Советының экология, табигый ресурслар һәм җирдән файдалану комитетын җитәкләгән иде

(Казан, 3 декабрь, “Татар–информ”). Ринат Абдуллин ТР экология һәм табигый ресурслар министрының беренче урынбасары итеп билгеләнде. Бу хакта “Татар–информ” агентлыгына министрлыкның матбугат хезмәтеннән хәбәр иттеләр.
Ринат Абдуллин 1962 елның 7 декабрендә туган. “Инженер–төзүче” белгечлеге буенча – Казан инженер–төзелеш институтын, “менеджер” белгечлеге буенча Казан финанс–икътисад институтын тәмамлаган. Бөгелмә районы хакимияте башлыгының беренче урынбасары булып эшләгән, өченче чакырылыш ТР Дәүләт Советы депутаты булган. ТР Дәүләт Советының экология, табигый ресурслар һәм җирдән файдалану комитетын җитәкләгән. РФ торак–коммуналь хуҗалыгының Мактаулы хезмәткәре.
Өйләнгән, ике баласы бар.

news_right_column_1_240_400
news_right_column_2_240_400
news_bot_970_100