Казанда күп фатирлы йортта чыккан янгында биш кешене коткарганнар
Скопировать ссылку
Үткән төндә Казанның Тунаков урамындагы 64нче йортта янгын чыккан. Россия Гадәттән тыш хәлләр министрлыгының ТР буенча Баш идарәсендә «Татар-информ» агентлыгына хәбәр итүләренчә, өч катлы күп фатирлы йортның баскыч мәйданчыгында әйберләр янган. Янгынның мәйданы 10 квадрат метр тәшкил иткән.
Куе төтен фатирларга да үтеп кергән. Янгынны сүндергән вакытта ут белән көрәшүчеләр махсус битлек ярдәмендә өч кешене урамга алып чыккан. Өченче каттагы балконга озын баскыч куеп, тагын ике кешене коткарганнар.
Бәхеткә, беркем дә зыян күрмәгән, янгын ут белән саксыз эш итү сәбәпле чыккан дип фаразлана.