Сәясәт 29 апрель 2024 11:17

Путинның атналык графигы чыкты: Инаугурация һәм икътисади мәсьәләләр буенча киңәшмә була

Скопировать ссылку

Агымдагы атнада Россия Президенты Владимир Путин инаугурациясе узачак. Бу хакта журналист Павел Зарубин телеграм-каналында хәбәр ителә.

«Владимир Путин март аенда сайланганнан соң май аенда Президент вазифасына керешәчәк. Инаугурация һәрвакыт сүзнең туры мәгънәсендә якты вакыйга. Бу көнне Aurus Президент автомобиленең яңартылган версиясе тәкъдим ителәчәге билгеле», – диелә видеода.

Шулай ук дәүләт башлыгы «Россия икътисадының торышы белән шөгыльләнүен дәвам итәчәк» – Президентның планында икътисади мәсьәләләр буенча киңәшмә уздыру тора.

Шимбә Хөкүмәт Йортында узган киңәшмәдә ТР Рәисе Рөстәм Миңнеханов 7 майда илебез өчен зур сәяси вакыйга – Россия Президенты инаугурациясе узачагы турында сөйләде. Россия лидерының матбугат сәркатибе Дмитрий Песков сүзләренчә, процедура протоколда язылганча стандарт рәвештә узачак. Вице-премьер – Сәнәгать һәм сәүдә министрлыгы башлыгы Денис Мантуров Aurus Senat машинасының яңартылган версиясен кулланышка кертү планлаштырыла дип хәбәр итте.

Сигезенче тапкыр Россия Федерациясе Президентын сайлаулар 15, 16 һәм 17 мартта узды. Сайлауларда дүрт кандидат катнашты: Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм гамәлдәге дәүләт башлыгы Владимир Путин (үз-үзен тәкъдим итүче буларак). Тавыш бирү нәтиҗәләре буенча 87,28 процент тавыш белән Путин җиңде.

Сәхифәләр

Путинның атналык графигы чыкты: Инаугурация һәм икътисади мәсьәләләр буенча киңәшмә була