Җәмгыять 12 ноябрь 2020 13:20

Путинның еллык матбугат конференциясе быел туры линия элементлары белән узачак

Узган елда әлеге чара 19 декабрьдә узды һәм дүрт сәгать тә унсигез минут дәвам итте, гаммәви мәгълүмат чаралары вәкилләре шушы вакыт эчендә Президентка 70тән артык сорау бирергә өлгерде.

Скопировать ссылку

(Казан, 12 ноябрь, «Татар-информ»). Кремльдә Владимир Путинның зур матбугат конференциясенә әзерләнәләр. Бу хакта РИА Новости агентлыгы хәбәр итә.

«Сезгә матбугат конференциясенең көне турында үз вакытында хәбәр итәчәкбез, форматы турында җентекләп сөйләячәкбез», - диде дәүләт башлыгының матбугат сәркатибе Дмитрий Песков.

Ул шулай ук «мәгълүм сәбәпләр аркасында» чараның форматы гадәти булмаячагын искәртте.

«Без аны төбәк, федераль һәм чит ил журналистларының Россия дәүләте башлыгы белән аралашу мөмкинлеге чикләнмәслек итеп әзерлибез», - дип ачыклык кертте матбугат сәркатибе. Ул матбугат конференциясенә «туры элемтә» элементлары кертү планы сакланачакмы, дигән сорауга уңай җавап бирде.

Президентның зур матбугат конференциясе — 2001 елдан бирле ел саен үткәрелә торган чара. Кагыйдә буларак, иң элек дәүләт лидеры төп икътисади һәм социаль күрсәткечләргә туктала. Шуннан соң журналистлар аңа сорау яудыра башлый.

#Владимир Путин #Путинның матбугат конференциясе

Сәхифәләр

Путинның еллык матбугат конференциясе быел туры линия элементлары белән узачак