Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Путинга Бишкәктә Батай исемле уенчык кар барсын бүләк иттеләр
Россия Президенты Владимир Путинга Бишкәктә VI Бөтендөнья күчмә халыклар уеннары талисманы – Батай исемле уенчык кар барсын бүләк иттеләр. Уеннар 31 августта Кыргызстан башкаласында старт ала, дип хәбәр итә ТАСС.
Сәламләү тантанасында Россия лидерына талисманны 11 яшьлек Айбийке Асамидинова һәм 15 яшьлек Нурислан Оболбеков тапшырды. Президент балаларга рәхмәт әйтте, шул исәптән кыргыз телендә дә.
Батай халыкара аэропортка килүче Кыргызстан кунакларын каршы ала. Талисман фигуралары шулай ук илнең башка әһәмиятле урыннарында урнаштырылган.
Батай исеме ике өлештән тора. «Ба» – «барс» сүзенең кыскартылышы, ул ирекне, көчне һәм эчке куәтне символлаштыра. «Тай» кыргызча «таяныч» сүзеннән ясалган, ул тарихи тамырларга тугрылыкны, балансны символлаштыра.
VI Бөтендөнья күчмә халыклар уеннары 31 августта Бишкәктә старт ала. 2014 елдан башлап ул һәр ике ел саен Бөтендөнья этноспорт берлеге химаясендә уздырыла.
Бөтендөнья күчмә халыклар уеннары программасына күчмә халыкларның традицион спорт төрләре буенча ярышлар, шулай ук мәдәни һәм фәнни чаралар керә. VI уеннарда шул исәптән Россия спортчылары да катнашачак.
Яңалыкларны күзәтеп бару өчен Макс-каналга язылыгыз