Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин яңа территорияләрне кушу турында мөрәҗәгатьне бер минутлык тынлык белән башлады
Россия Президенты Владимир Путин Россиягә яңа территорияләр - ЛНР, ДНР, Запорожье һәм Херсон өлкәләрен кушу турындагы килешүләргщ кул кую тантанасында үзенең мөрәҗәгатендә кораллы низагта һәлак булган Донбасс халкы истәлегенә бер минутлык тынлык игълан итте.
«Без һәрвакыт «Русская весня» геройларын, 2014 елда дәүләт борылышы белән килешмәгән һәм туган телдә сөйләшергә, мәдәниятне, динне, яшәргә хокук өчен һәлак булган барлык кешеләрне истә тотачакбыз», - диде Президент.
Ул Россия составына яңа территорияләр керү мәсьәләсе буенча узган референдумнар турында искәртте һәм халыкның үзе сайлавын ассызыклады.
«Федераль җыелыш дүрт яңа төбәк, Россия Федерациясенең яңа субъектлары барлыкка килүе турындагы Конституция законнарын хуплаячагына ышанам, бу миллионлаган кешеләрнең ихтыяры», - диде ул.
Искәртик, тантана бу минутларда Кремльнең Георгий залында уза. Анда депутатлар, сенаторлар, Донецк халык республикасы һәм Луганск халык республикасы башлыклары Денис Пушилин һәм Леонид Пасечник, шулай ук Запорожье һәм Херсон өлкәләре администрацияләре җитәкчеләре Евгений Балицкий һәм Владимир Сальдо катнаша. Шул рәвешле, Кремльдә Россия составына яңа субъектлар кабул итү турында берьюлы дүрт килешү имзалаячаклар.
Кызыклы яңалыкларны күзәтеп бару өчен Телеграм-каналга язылыгыз