Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин хәрби хәрәкәтләрдә катнашучы росгвардиялеләргә иминият компенсацияләрен киңәйтте
Илкүләм гвардия гаскәрләре федераль хезмәтенең (Росгвардия) үз теләге белән Украинада махсус хәрби операциядә катнашучылары яралану яки инвалидлык буенча, ә аларның туганнары хәрби хезмәткәрләр үлгән очракта компенсация алачак. Бу карарны Россия Президенты Владимир Путин имзалады.
Документ элек «Россия Федерациясе Кораллы көчләренә йөкләнгән бурычларны үтәүгә ярдәм итүче» үз теләге белән хәрби хәрәкәтләргә китүчеләр берләшмәләренә кагылган компенсацияләр турындагы нигезләмәләргә төзәтмәләр кертә. Яңа карар РФ илкүләм гвардия гаскәрләрендә хезмәт итүчеләргә дә компенсация алу хокукын бирә, дип хәбәр итә ТАСС.
«Татар-информ» хәбәр иткәнчә, илкүләм гвардия гаскәрләре федераль хезмәтенең үз теләге белән хәрби хәрәкәтләрдә катнашучылары Саклану министрлыгы составындагы хәрбиләр кебек үк ташламалар һәм ярдәм чаралары алачак. Сүз шул исәптән ай саен акчалата компенсация түләү, иминият стажына һәм эш стажына үз теләге белән махсус хәрби операциягә катнашучылар оешмасында булу чорларын кертү, картлык һәм инвалидлык буенча пенсияләргә югары түләү билгеләнгәндә әлеге чорларны исәпкә алу турында бара. Үз теләге белән махсус хәрби операциядә катнашучы һәлак булган очракта аларның гаиләләре өчен коммуналь түләүләр чыгымнарын компенсацияләү каралган.
Кызыклы яңалыкларны күзәтеп бару өчен Телеграм-каналга язылыгыз