Путин Кытайдагы АТЭС саммитында Россия делегациясен җитәкләячәк
Россия Президенты Владимир Путин 18-19 ноябрьдә Кытайның Шэньчжэнь шәһәрендәге АТЭС саммитында Россия делегациясен җитәкләячәк. РФ Тышкы эшләр министрлыгының махсус йөкләмәләр буенча илчесе Марат Бердыев ТАСС агентлыгына биргән интервьюсында шул хакта хәбәр итте.
Аның сүзләренчә, быел саммитның эше өч төп юнәлешне (ачыклык, инновацияләр һәм хезмәттәшлек) үз эченә алачак.
«Россия делегациясен Президент Владимир Путин җитәкләячәк. Бу безнең Азия-Тын океан төбәгендәге партнерлар, аерым алганда Кытай Халык Республикасы белән икътисади мөнәсәбәтләргә нинди зур әһәмият бирүебезне күрсәтә», - диде Бердыев.
Илче шулай ук Кытай рәислеге кысаларында 11 министрлык конференциясе узачагын хәбәр итте. Ул билгеләп үткәнчә, төбәк икътисадын үстерү өчен гамәли чишелешләр табу АТЭСның төп бурычларыннан берсе булып кала.